Xossip

  #17141  
Old 25th July 2016
Pritam.bs Pritam.bs is offline
Custom title
 
Join Date: 9th February 2013
Posts: 4,165
Rep Power: 29 Points: 19172
Pritam.bs is one with the universePritam.bs is one with the universePritam.bs is one with the universePritam.bs is one with the universePritam.bs is one with the universePritam.bs is one with the universePritam.bs is one with the universePritam.bs is one with the universePritam.bs is one with the universePritam.bs is one with the universe
Koi To Rok Lo {Update-176}

Koi To Rok Lo
_________________

Quote:

Mai bola “mai us se kah chuka hu ki, mujhe shayari samajh me nahi aati to, fir use aisa Sms karna hi nahi chahiye tha.”

Keerti boli “ho sakta hai ki, usne tumko pareshan karne ke liye ye shayari wala Sms kiya hai. Chalo aaj tumahri taraf se mai us se baat karti hu.”

Keerti ki baat sunkar, maine chaukte huye kaha.

Mai bola “tera dimag to thikane hai. Tu us se kya baat karegi aur use kya batayegi ki, tu kaun hai.”

Keerti boli “isme itna pareshan hone ki baat nahi hai. Wo khud hi samajh jayegi ki, mai kaun hu. Tum bas us se meri conference me baat karwao. Pahle apne mobile se mujhe call karo aur uske bad usko call lagao. Baki sab mujh par chhod do.”

Mai bola “yaha ek pagal kam hai, jo tujhe bhi pagalpan karne ki sujh rahi hai.”

Keerti boli “tum daro mat, kuch nahi hoga. Tum bas call karo.”

Maine keerti ko samjhane ki bahut kosis ki, magar ab usne bhi priya se baat karne ki jid pakad li thi. Jab wo meri baat sunne ko taiyar nahi huyi to, fir mujhe uski baat manna hi pad gayi.

Maine pahle apne dusre mobile se keerti ko call kiya. Uske call utha lene ke bad, maine dhadakte dil se priya ko call laga diya. Keerti hold par thi aur priya ke mobile par call ja raha tha. Jaise jaise priya ke mobile ki ring baj rahi thi. Waise waise ab kya hoga, ye soch soch kar mere dil ki dhadkane bad rahi thi.

Mai man hi man ye hi dua kar raha tha ki, priya call na uthaye aur keerti ka priya se baat karna tal jaye. Lekin meri ye dua kaam nahi aayi aur priya ne call uthate huye kaha.

Priya boli “hello, haan bolo, tumko kya bolna hai.”

Priya ke call utha lene ke bad, mere pas uski keerti se baat karane ke alawa koi rasta nahi bacha tha. Isliye maine seedhe apni baat par aate huye priya se kaha.

Mai bola “mujhe tumse kuch nahi bolna hai. Lekin koi tumse baat karna chahta hai. Bas usi ki tumse baat karane ke liye maine tumko call kiya hai.”

Meri baat sunkar, ne kuch sochte huye kaha.

Priya boli “mai abhi kisi se koi baat nahi karna chahti. Tum subah jis se chaho, us se meri baat karwa dena.”

Priya shayad samajh gayi thi ki, mai is samay uski kis se baat karwana chahta hu. Magar wo shayad khud ko abhi iske liye taiyar nahi kar pa rahi thi. Isliye is samay baat karne se mana kar rahi thi.

Lekin keerti mujhe pahle hi dam de chuki thi ki, yadi priya call uthati hai aur mai uski baat keerti se nahi karwata hu to, us se bura koi nahi hoga. Mere samne ab priya ko iske liye taiyar karne ke siwa koi rasta nahi tha. Isliye maine priya ko apni baat samjhate huye kaha.

Mai bola “mai khud tumhe itni samay pareshan karna nahi chahta tha. Lekin mujhse baat karte karte, wo achanak hi tumse baat karne ki jid karne lagi. Maine use samajhne ki bahut kosis ki magar jab wo nahi maani to, fir maine uska call hold par rakh kar, tumko call laga diya.”

“Wo tumse conference me baat karna chahti thi. Yadi tum us se abhi baat nahi karna chahti ho to, koi baat nahi hai. Tum us se conference me ye hi baat bol do ki, tum us se kal baat karogi. Tumhare aisa karne se uski tumse baat bhi ho jayegi aur use ye bhi nahi lagega ki, mai uski tumse baat karwana nahi chahta tha. Ab aage tumhari marji, tum jo thik samjho, kar sakti ho.”

Meri baat sunkar, priya ne kuch der ki khamoshi ke bad, ek thandi si saans chhodte huye mujhse kaha.

Priya boli “ok, mai us se baat kar leti hu. Tum uske sath meri conference karwao.”

Priya ki baat sunte hi, maine priya ko thanks kaha aur fauran keerti ko conference me late huye, keerti se kaha.

Mai bola “ye lo, priya call par hai. Tum us se baat kar sakti ho.”

Meri baat sunkar, keerti ne mujhe ok kaha aur fir priya se kaha.

Keerti boli “hello priya, mere baare me to tum samajh hi gayi hogi ki, mai kaun hu.”

Keerti ki is baat par priya ne bhi muskurate huye kaha.

Priya boli “hii, haan mai ye to samajh gayi hu ki, tum kaun ho. Lekin punnu ne kabhi mujhe tumhara naam nahi bataya. Kya mai tumhara naam jaan sakti hu.”

Priya ki is baat ko sunkar, mai bhi keerti ke jabab ka bechaini se intejar karne laga. Udhar keerti ne priya ka ye sawal suna to, usne priya se hanste huye kaha.

Keerti boli “hehehehe, mera naam tumhari tarah pyara nahi hai na, isliye punit ne tumhe mera naam nahi bataya hoga. Mera naam Tripti hai.”

Keerti ke muh se Tripti ka naam sunte hi, mujhe ek jhatka sa laga. Mujhe ummid thi ki, priya ke is sawal ke jabab me keerti ankita ka naam batayegi. Lekin keerti ke muh se Tripti naam sunkar, mai hairan rah gaya.

Magar ye hairani sirf mujhe hi nahi ho rahi thi. Balki priya bhi is naam ko sunkar chauke bina na rah saki aur usne bhi hairan hote huye keerti se kaha.

Priya boli “kya tum wo hi Tripti ho, jiski kavitaye punnu padta hai.”

Priya ki is baat par keerti ne hanste huye kaha.

Keerti boli “nahi, mai wo Tripti nahi hu. Magar maine punit se uski kavitaye suni jarur hai aur mujhe khud bhi sher aur shayari bahut pasand hai. Lekin mai jab bhi isko shayari bhejti hu to, ye mere upar chidchidane lagta hai.”

Keerti ki baat sunkar, priya ne bhi hanste huye kaha.

Priya boli “mujhe bhi shayari karna bahut pasand hai. Meri to baat baat par shayari karne ki aadat hai aur ye mere upar bhi isi tarah chidchidata hai.”

Keerti boli “lekin mere upar iske chidchidane ka jara bhi asar nahi padta. Mai to iske bad bhi ise shayari bhej hi deti hu.”

Priya boli “mai bhi aisa hi karti hu. Maine abhi to abhi thodi der pahle hi is ek shayari bheji hai.”

Ye baat bol kar priya khikhilane lagi aur uski is hansi me keerti bhi uska sath nibhane lagi. Dono mil kar is baat ko lekar mera majak udane lagi. Wo dono pahli baar ek dusre se baat kar rahi thi. Magar unki baton se kahi se bhi aisa nahi lag raha tha ki, wo pahli baar ek dusre se baat kar rahi hai.

Lekin un dono ki in baton me sabse ajib baat ye thi ki, dono me se koi bhi na to kisi se meri burayi sun sakti thi aur na hi kisi ko mera majak udate huye dekh sakti thi. Magar aaj dono khud hi ek dusre se mera majak bhi uda rahi thi aur meri burayi bhi kar rahi thi.

Shayad dono hi aisa karke ek dusre ko khush karne me lagi thi. Unki is harkat par mujhe bhi hansi aa rahi thi. Isliye maine un dono ki is baat chit me bich me padna thik nahi samjha aur mai khamoshi se unki baton ka maja leta raha. Kuch der tak wo dono aise hi mera majak udati rahi. Fir baat hi baat me keerti ne priya se kaha.

Keerti boli “ye sab to thik hai. Lekin mujhe tumse bhi ek sikayat hai. Punit itne dino tak mumbai me raha. Lekin ab bina mumbai dekhe hi, kal ghar wapas aa raha hai. Kya tum use mumbai ki kuch khas khas jagah bhi nahi dikha sakti thi.”

Keerti ki ye baat sunte hi priya ne apni safayi dete huye kaha.

Priya boli “is sab me meri galti jara bhi nahi hai. Iske pas khud hi mere sath kahi aane jane ka samay nahi tha aur jab maine ise mumbai ghumane ki baat sochi to, isne mera bhi mood kharab karke rakh diya.”

Ye kahte huye priya ne keerti ko kal ki shoping wali saari baten bata di. Jise sunkar keerti ne priya ki tarafdari karte huye mujhse kaha.

Keerti boli “ye to tumne sach me bahut galat kaam kiya hai. Tumko samajhna chahiye tha ki, priya ne yadi tumse kisi ko apne sath na le chalne ki baat kahi thi to, us samay uske man me koi to baat rahi hogi. Tumhe apni is galti ke liye priya se abhi sorry bolna hoga. Warna ab mai bhi tumse baat nahi karugi.”

Keerti ki ye baad sunkar, mai hadbada gaya aur priya ki hansi chhut gayi. Meri hadbadahat ki vajah ye thi ki, sab kuch janne ke bad bhi, keerti ne priya ko jara bhi samjhane ki kosis nahi ki thi aur mujhe apni safayi dene ka mauka diye bina hi sorry bolne ki shart rakh di thi.

Lekin is sab ke bad bhi mujhe priya se sorry bolne me koi pareshani nahi thi. Mujhe to bas priya ki narajgi ko door karna tha. Isliye maine bhi bina koi bahas kiye huye priya se kaha.

Mai bola “sorry, mai apni galti ke liye maafi chahta hu.”

Lekin priya bhi keerti se kuch kam nahi thi. Usne mere is sorry ko ek sire se nakarte huye kaha.

Priya boli “mujhe tumhare is sorry ki koi jarurat nahi hai. Tumhe is galti ki saja jarur milegi aur tumhari saja ye hi hai ki, tum mujhe shayari me manao.”

Priya ki ye baat sunkar, mujhe fir ek jhatka laga. Dono hi ladkiyan mujhe jhatke par jhatke diye ja rahi thi aur meri jara bhi parwah nahi kar rahi thi. Yadi yahi kaam mujhe wo Sms me karne ko kahti to, mere mobile me dher saari shayari thi. Mai aasani se priya ko shayari bhej sakta tha.

Lekin abhi mere dono hi mobile abhi busy the aur aise me mere koi shayari bol pane ka sawal hi paida nahi hota tha. Keerti shayad meri is pareshani ko samajh gayi thi. Isliye usne hanste huye kaha.

Keerti boli “waise to priya ne tumko bilkul thik saja di hai. Lekin mai priya ki is saja se tumko kuch riyayat de deti hu. Tum yadi priya ko shayari me nahi mana sakte ho to, use koi gaana gaa kar bhi mana sakte ho.”

Keerti ki baat sunkar, ek baar fir priya ke hasne ki aawaj goonj gayi aur usne bhi keerti ki is baat par apni sahmati dete huye kaha.

Priya boli “ok, mujhe tripti ki ye baat manjur hai. Ab tum der mat karo, jaldi se mujhe manana suru karo.”

Priya aur keerti ki is baat ke bad, mere pas unki baat manne ke alawa koi rasta nahi tha. Magar fir bhi maine unhe safayi dete huye kaha.

Mai bola “mujhe tum logon ki is ko manne me koi pareshani nahi hai. Lekin mujhe koi bhi gaana pura nahi aata.”

Priya boli “koi baat nahi, tumhe jitna bhi gaana aata hai. Tum utna hi gaana gaa do. Lekin jaldi karo, warna fir tumhe raat bhar gaana hi gana padege.”

Priya ki ye baat sunkar, maine bahas karna thik nahi samjha aur fir apna gala saaf karte huye sur me gaana gana suru kar diya.

Mera gaana
“Musu Musu Hasi, Deu Malai Lai
Musu Musu Hasi Deu
Zara Muskura De, Muskura De
Zara Muskura De, Aye Khushi

Gham Baat Le Tu Apne
Humse Tu Le Hasee
Ho Gaye Hum Abh Tere
Tu Ho Gayee Apni

Musu Musu Hasi, Deu Malai Lai
Musu Musu Hasi Deu
Zara Muskura De, Muskura De
Zara Muskura De, Aye Khushi

Maana Humse Ho Gayee
Ek Choti Si Khataa
Hans Do Na Tum Zaraa
Do Na Humko Tum Sazaa

Maana Humse Ho Gayee
Ek Choti Si Khataa
Has Do Na Tum Zaraa
Do Na Humko Tum Sazaa

Tum Jo Has Pade To
Abh Hum Bhi Muskurayein
Aao Mil Ke Saath Gaayein
Dil Se Dil Bhi Milayein

Hey Hey, Musu Musu Hasi, Deu Malai Lai
Musu Musu Hasi Deu
Zara Muskura De, Muskura De
Zara Muskura De, Aye Khushi
Musu Musu Hasi, Deu Malai Lai
Musu Musu Hasi Deu
Hey, Zara Muskura De, Muskura De
Zara Muskura De, Aye Khushi.”

Mere gaana khatam hone ke bad, mai keerti aur priya ke kuch bolne ka intejar karne laga. Mujhe keerti ki to koi aawaj sunayi nahi di. Lekin mere chup hote hi priya ki khilkhilahat goonj gayi aur usne chahakte huye mujhse kaha.

Priya boli “oh my god, tum to bahut acha gaate ho. Mai to tumhara gaana sunkar, usme kho si gayi thi.”

Mai bola “to ab tumhari mujhse narajgi door huyi ya nahi.”

Priya boli “haan, meri narajgi door ho gayi hai. Ab yadi tum chaho to, mai kal tumhe mumbai ki kuch khas jagah dikhane le chal sakti hu.”

Mai bola “ok, to hum kal subah subah hi chalte hai. Lekin subah uthne ke liye sona bhi jaruri hai. Isliye ab hum logon ko sona chahiye.”

Meri baat sunkar, priya ne bhi is baat ki haami bhari aur fir usne keerti se ek do baten karne ke bad call rakh diya. Priya ke call rakhne ke bad, maine us mobile se keerti ka call bhi kaat diya aur fir dusre mobile par aate huye keerti se kaha.

Mai bola “kya hua, tu achanak chup kyo ho gayi thi. Kya tujhe meri kisi baat ka bura laga hai.”

Meri is baat par keerti ne muskurate huye kaha.

Keerti boli “nahi, aisi koi baat nahi hai. Mujhe tumhari koi baat ka bura nahi laga.”

Mai bola “to fir tu mera gaana sunne ke bad se chup chu si kyo hai. Uske pahle to mera kitna majak uda rahi thi.”

Meri baat sunkar, keerti ne thandi si saans bharte huye kaha.

Keerti boli “wo isliye, kyoki priya sach kah rahi thi. Mai bhi tumhara gaana sunkar, usi me kho si gayi thi. Mujhe to pata hi nahi tha ki, tum itna acha gaate ho. Ab se tumhe mujhe manane ke liye bhi isi tarah se gaana gana padega.”

Keerti ki is baat par maine us par jhutha gussa dikhate huye kaha.

Mai bola “ab mai kabhi koi gaana vaana nahi gaane wala hu. Ye to tune hi mujhe fasa diya tha. Lekin ab tu mujhe ye bata ki, tune priya ko apna naam ankita ki jagah tripti kyo bataya. Ankita ko tune mehul se milane ke liye taiyar kiya tha. Ab mehul se milane ke liye tripti ko kaha se layege.”

Meri is baat par keerti ne hanste huye kaha.

Keerti boli “are tum bekar me pareshan ho rahe ho. Is me kaun si pareshani wali baat hai. Hum mehul se ankita ko hi tripti kah kar milwa dege.”

Mai bola “lekin tujhe ek jhuth ke upar ye dusra jhuth bolne ki kya jarurat thi. Tune priya ko apna naam ankita hi kyo nahi bata diya.”

Keerti boli “mujhe priya ko apna naam ankita batane me koi pareshani nahi thi. Lekin ankita ke sath tumhara naam joda jaana mujhe acha nahi lag raha tha. Isliye maine ye naam bata diya.”

Mai bola “jab tujhe apni saheli ankita ke sath mera naam jode jane me tujhe pareshani thi to, fir kisi anjan ladki ke sath mera naam kyo jod diya.”

Keerti boli “kyoki tripti naam ki kisi ladki ko hum dono me se koi bhi nahi janta hai aur fir tripti naam ko sunkar, aisa hi lagta hai, jaise ki ye mera hi naam ho. Ab samajh me aaya ki, maine ye hi naam kyo liya.”

Mai bola “tu puri pagal hai. Hamesha kuch na kuch ulta sidha sochti rahti hai. Ab pata nahi, tere is ek jhuth ke pichhe, hume or kitne jhuth bolna padege.”

Keerti boli “hume is jhuth ke liye, koi or jhuth nahi bolna padega. Ab tum ye faltu ki baten mat socho. Raat bahut ho gayi hai aur tumhari do din se nind bhi puri nahi huyi hai. Isliye ab tum sirf mere baare me sochte huye meethi nind me so jao.”

Keerti ki ye baat sunkar, mujhe bhi hansi aa gayi aur fir usne mujhe good night kah kar call rakh diya. Uske call rakhne ke bad, maine aankh band ki aur keerti ke baare me sochte sochte mai gahri nind me so gaya.

Subah 6 baje meri nind priya ke jagane par khuli. Lekin uski aankhon se mujhe aisa lag raha tha, jaise ki wo raat bhar soyi na ho. Aaj uski jaani pehchani muskan bhi uske chehre se gayab thi.

Wo muskurane ki bharpur kosis kar rahi thi. Magar aaj uska chehra, uski muskurahat ka sath nahi de raha tha aur uske chehre se, uski udasi saaf jhalak rahi thi. Wo muskurate huye mujhe taiyar hone ka kah rahi thi.

Usko raat ko hanste bolte dekh kar, mujhe bahut rahat mili thi. Lekin ab subah subah uska aisa murjhaya hua chehra dekh kar, mera dil baith gaya. Mujhse baat karte karte ek pal aisa bhi aaya, jab mujhe laga ki, priya abhi ro degi. Lekin tabhi priya palat kar mere pas se chali gayi.

Uske jaane ke bad bhi, mai uske hi baare me sochta raha. Uski ye udasi, shayad aaj mere wapas chale jane ki vajah se thi. Lekin mai chahte huye bhi uske liye kuch nahi kar sakta tha. Mai thodi der tak baitha priya ki isi udasi ke baare me sochta raha aur fir uth kar fresh hone chala gaya.
______________________________
Koi To Rok Lo
_________________________________

Last edited by Pritam.bs : 25th July 2016 at 01:41 AM.

Reply With Quote
  #17142  
Old 25th July 2016
Pritam.bs Pritam.bs is offline
Custom title
 
Join Date: 9th February 2013
Posts: 4,165
Rep Power: 29 Points: 19172
Pritam.bs is one with the universePritam.bs is one with the universePritam.bs is one with the universePritam.bs is one with the universePritam.bs is one with the universePritam.bs is one with the universePritam.bs is one with the universePritam.bs is one with the universePritam.bs is one with the universePritam.bs is one with the universe
Doston, update de diya hai. Is update me keerti aur priya ke bich dostana baten dekhne ko milegi. Lekin ye dostana aage koi rang dikha payega ya nahi, is se to abhi mai khud anjan hu. Shayad agle update me punnu ki ghar wapsi bhi dekhne ko mil jaye. Filhal to aap is update ka maja lijiye. Story ke sath bane rahne aur apna pyar banaye rakhne ke liye aap sabka bahut bahut dhanyawad.
______________________________
Koi To Rok Lo
_________________________________

Reply With Quote
  #17143  
Old 25th July 2016
prashant gupta prashant gupta is offline
 
Join Date: 12th July 2016
Posts: 6
Rep Power: 0 Points: 62
prashant gupta is beginning to get noticed
प्यार किया था तो प्यार का अंजाम कहाँ मालूम था,
वफ़ा के बदले मिलेगी बेवफाई कहाँ मालूम था,
सोचा था तैर के पार कर लेंगे प्यार के दरिया को,
पर बीच दरिया मिल जायेगा भंवर कहाँ मालूम था..

Reply With Quote
  #17144  
Old 25th July 2016
prashant gupta prashant gupta is offline
 
Join Date: 12th July 2016
Posts: 6
Rep Power: 0 Points: 62
prashant gupta is beginning to get noticed
Nice update bro bhut hi acchi jaa rahi hai story

Reply With Quote
  #17145  
Old 25th July 2016
R G's Avatar
R G R G is offline
Custom title
 
Join Date: 29th March 2016
Posts: 2,721
Rep Power: 6 Points: 2392
R G is a pillar of our communityR G is a pillar of our community
nice update pritam bhai..
vese aaj ka ye update quote main kyu diya hai...
bate to achi thi par baat kyu karna chate the kirti is ki vajah safa nhi huai...
ab main is par kucha jada he socha raha hu ye bhi ho sakta hai ...
______________________________
meri tanhaiyan karti hain jinhe yaad sada,
un ko bhi meri zaroorat ho zaroori to nahi!!

Reply With Quote
  #17146  
Old 25th July 2016
mastixossip mastixossip is offline
Custom title
 
Join Date: 16th July 2015
Posts: 7,645
Rep Power: 35 Points: 30295
mastixossip has hacked the reps databasemastixossip has hacked the reps databasemastixossip has hacked the reps databasemastixossip has hacked the reps database
nice update bhai..

Reply With Quote
  #17147  
Old 25th July 2016
Kgolu Kgolu is offline
Custom title
 
Join Date: 2nd December 2015
Posts: 2,551
Rep Power: 5 Points: 3106
Kgolu is hunted by the papparaziKgolu is hunted by the papparaziKgolu is hunted by the papparaziKgolu is hunted by the papparaziKgolu is hunted by the papparaziKgolu is hunted by the papparazi
Nice
______________________________
DoStI (GoOd & BaD) http://xossip.com/showthread.php?t=1443607
My Frnd story plz read

Reply With Quote
  #17148  
Old 25th July 2016
King Martin's Avatar
King Martin King Martin is offline
Samundar Ki Sikari,I amTHE RON
 
Join Date: 19th May 2015
Location: Dead Ocean
Posts: 1,906
Rep Power: 7 Points: 2867
King Martin is hunted by the papparaziKing Martin is hunted by the papparaziKing Martin is hunted by the papparaziKing Martin is hunted by the papparaziKing Martin is hunted by the papparazi
Jhakasss....
______________________________
Best Writer of XB
sgp 2009
nain11ster
Pritam.bs

Love You Sir ....
Ehesaso ko agar Alfajo main badalna aata ,
Toh aaj main khud apni Dastan-e-zindagi bayan kar raha hota ..

Reply With Quote
  #17149  
Old 25th July 2016
Aryan sahu's Avatar
Aryan sahu Aryan sahu is offline
D PL MSkn K
 
Join Date: 21st March 2013
Location: Dream World....
Posts: 4,594
Rep Power: 30 Points: 20402
Aryan sahu is one with the universeAryan sahu is one with the universeAryan sahu is one with the universeAryan sahu is one with the universe
Superb update.....So Sweet conversation between Keerti and Priya.....

Reply With Quote
  #17150  
Old 25th July 2016
Blakej885 Blakej885 is online now
 
Join Date: 11th April 2015
Posts: 714
Rep Power: 4 Points: 954
Blakej885 has received several accoladesBlakej885 has received several accoladesBlakej885 has received several accoladesBlakej885 has received several accolades
Superb update bhai......!! Nice conversation between keerti and priya!! Ab priya aur punnu Mumbai ghumne jaane wale hy......dekhte hy ab yahan kya kya hota hy!!!!

Reply With Quote
Reply Free Video Chat with Indian Girls


Thread Tools Search this Thread
Search this Thread:

Advanced Search

Posting Rules
You may not post new threads
You may not post replies
You may not post attachments
You may not edit your posts

vB code is On
Smilies are On
[IMG] code is On
HTML code is Off
Forum Jump



All times are GMT +5.5. The time now is 07:15 AM.
Page generated in 0.06749 seconds